Prince Harry leh Duchess Meghan ten Mother's Day pualin nute duhsakna an hlan
May 12, Pathianni kha Mother's Day a ni a, khawvel hmun hrang hrangah urhsun taka hman a ni. He ni denchhen hian Prince Harry leh Duchess of Sussex Meghan Markle-te chuan 'nu' nihna nei zawng zawngte chu Instagram kaltlangin duhsakna an hlan.
Tun hnaia fapa thar nei Prince Harry leh Duchess Markle-te hian US-ah chawlh an hmang a, he hmun aṭang hian duhsakna hi an hlan. Harry leh Markle te chuan, "Nu zawng zawngte duhsakna kan hlan e. Nu lo ni tawh te, nu ni mek te leh nu la ni zel turte pawh duhsakna sang ber kan hlan a ni," tiin an tarlang.
IG-a thlalak an upload-ah hian Markle chuan an fapa, Archie Harrison Mountbatten-Windsor ke a dawm lai a lang a, Prince Harry nu boral ta Princess Diana pangpar ngainat ber mai Forget-me-not chu a lang bawk. Mother's Day hi United States, Canada, Australia, New Zealand, South Africa, Kenya leh Japan-ahte chuan an la urhsun hle a ni. Milarte pawhin an ngaihlu hle a, nute hlut zia leh an ropui zia an tarlang nasa hle a ni.