Oscar nomination 2021

Nick Jonas leh a nupui Priyanka Chopra Jonas te chuan Thawhṭanni khan London aṭangin 2021 Oscars nomination an puang a, David Fincher-a Hollywood drama Mank chu nomination hmu tam ber niin nomination 10 lai a hmu.

The Father, Korean immigrant drama Minari, Nomadland, Sound of Metal leh Aaron Sorkin-a film The Trial of the Chicago 7-te chu nomination hmu tam ber dawttu niin nomination panga ṭheuh an hmu a ni. 93rd Academy Awards hi April 25 hian Los Angeles-ah sem a ni dawn a, hrileng vanga thla hnih laia tlangzar hun an sawn hlat hnuah April thla tawpah tlangzarh an tum ta a ni. Kuminah hian Academy of Motion Picture Arts and Sciences chuan film, streaming service-a an tlangzarh nghalte pawh nomination list-ah hian an telh a ni. India ram hunah chuan April 26 zingah ceremony hi a chhuak dawn a, a pe chhuaktu emaw a enna tur emaw puanzar a la ni lo.