Box Office-ah Avengers: Endgame bawk a chungnung Avatar record a hnaih zel
Avengers: Endgame chuan record duhawm tak a nei chho zel a, khawvela film hlawhtling ber ni thei din hmunah a ding mek.
He fantasy/sci-fi film hian Mother's Day weekend-ah khan hneh takin ro a rel leh a, a sum lakluh zat chu $mtd 63.2 a ni. Robert Downey, Jr., Chris Evans leh Scarlett Johansson-te channa hian film chhuak tawh zinga sum lalut hnem ber dinhmun hauh mektu 'Avatar' chu a hnaih tawh hle a, khum thei turin a dinhmun a ṭha hle bawk.
Avatar vs Endgame
Avengers: Endgame hian film chhuak tawh zinga ropui ber ang hiala an sawi ṭhin Titanic chu a lo khum tawh a, sum lakluh tam lamah pahnihna a hauh mek. A tluk loh awm chhun hi Avatar chauh a ni tawh a, khum turin eng chen nge hun a mamawh dawn tih chu khawvelin a thlir mek a ni.
Avengers: Endgame hian film chhuak tawh zinga ropui ber ang hiala an sawi ṭhin Titanic chu a lo khum tawh a, sum lakluh tam lamah pahnihna a hauh mek. A tluk loh awm chhun hi Avatar chauh a ni tawh a, khum turin eng chen nge hun a mamawh dawn tih chu khawvelin a thlir mek a ni.
Avengers hian tlangzarh aṭanga kar hnih pawh a liam hmain $tld 2.2 zet a lalut a, Titanic ($tld 2.1) a khum. Tunah hian a sum lakluh tawh zawng zawng chu $tld 2.4 zet a tling tawh a, Avatar $tld 2.7 a hnaih chak hle. Tun anga a kal tlung thei a nih chuan Avatar record hi a khum ngei a rinawm a, khawvela film hlawhtling ber ni thei dinhmunah a ding mek.
Sum lalut hnem top 3
1. Avatar $tld 2.7
2. Avengers: Endgame $tld 2.4
3. Titanic $tld 2.1
1. Avatar $tld 2.7
2. Avengers: Endgame $tld 2.4
3. Titanic $tld 2.1
Pokemon Detective Pikachu
Box Office-a Avengers hnaih bertu chu Pokemon Detective Pikachu a ni a, an sum lakluh zat pawh a inthlau lo hle. He fantasy/mystery film hi May 9 khan release a ni a, a hit nghal rem rem hle.
Box Office-a Avengers hnaih bertu chu Pokemon Detective Pikachu a ni a, an sum lakluh zat pawh a inthlau lo hle. He fantasy/mystery film hi May 9 khan release a ni a, a hit nghal rem rem hle.
American actor Justice Smith, Canadian actor Ryan Reynolds leh American actress Kathryn Newton-te channa hi tun hnaia film chhuakah chuan boruak nei lian ber a ni mek a, en pawh a hlawh hle a ni. Sum lakluh lamah pawh a che ṭha a, North America leh khawvel hmun dangah chhuah chhoh mek a ni. Kum 1996 chho vela a animation movie tihchhuah pawh khan box office-ah ro a lo rel zak zak tawh a, dah hniam chi a ni lo.
Tun ṭumah hian The Hustle chuan $mtd 13 lalutin pathumna a hauh a, The Intruder leh Long Shot-ten an dawt. Poms leh Uglydolls-te chu sum lalut tam zual zingah an tel a, Kristian film Breakthrough chuan $mtd 2.5 a lalut ve leh bawk. Tolkien leh The Curse of La Llorona-te chu top 10-ah an lang a, an sum lakluh zat chu $mtd 2.2 leh $mtd 1.8 a ni.
Student of the Year 2
North America Box Office-ah hian Bollywood film Student of the Year 2 chu sum lalut tam zual zingah a lang phak a, $462,108 lalutin 15-na a ni. He film-ah hian Tiger Shroff, Ananya Panday leh Tara Sutaria-te an chang a, Hollywood lamah pawh a hit hle a ni.
North America Box Office-ah hian Bollywood film Student of the Year 2 chu sum lalut tam zual zingah a lang phak a, $462,108 lalutin 15-na a ni. He film-ah hian Tiger Shroff, Ananya Panday leh Tara Sutaria-te an chang a, Hollywood lamah pawh a hit hle a ni.
India bikah chuan tlangzarh niin cheng vaibelchhe 12 zet a lalut nghal a, nimin thleng khan vaibelchhe 30 chuang a lalut tawh. He drama film hi Punit Malho-tra kutchhuak a ni a, tun hnaia Bollywood film chhuak thar zingah chuan boruak nei lian ber a ni mek.