CYMA-in lengkhawm zai intihsiak buatsaih dawn
Central YMA chuan an hnuaia branch hrang hrangte inelna turin B. Daniala Memorial Inter Branch YMA Lengkhawm Zai Intihsiak chu May 28 - June 7, 2019 inkar hian a buatsaih dawn. Vawiin hi Branch YMA tel tur tana hming pekluhna hun tawp a ni.
Tun ṭum hi CYMA hnuaia lengkhawm zai intihsiaknaa lawmman ṭhat ber ṭum a ni dawn a, pakhatna hian Rs 1,00,000 an dawng dawn a, mimal lawmman hrang hrang siam a ni bawk ang. Inelna hi preliminary round leh final round-ah ṭhen a ni dawn a, final round-ah hian a tiṭha branch 10 thlanchhuah an ni ang. Intihsiakna atan hian lengkhawm hla pahnih 'Phungrual an ṭin ang a' leh 'Khawvelah hian lungngai fate' thlan a ni a, inelna hmachhawn turten hla chuam pakhat an nei thei bawk. Hla hi Central YMA hnuaia Sound & Music Sub Committee buatsaih Khawhar Hla Bu (Solfa) aṭanga thlan tur ni.
A záwna Central YMA president ni rei ber B. Daniala hriat reng nan inelna hi buatsaih a ni a, a nupui Krosthangi, Ramhlun South sponsor a ni. B. Daniala hi July 3, 1946 khan a piang a, October 2016 khan a thi. Central YMA-ah kum 1983-1989 chhung leh 1989-1993 chhung president a ni a, CYMA president chanvo chelh rei ber a ni.
CYMA-ah vêk kum 1977-1983 chhung assistant secretary a ni a; Ramhlun branch YMA-ah president leh mawhphurhna dangte a lo chelh nual tawh bawk.
Lawmman
Pakhatna Rs 1,00,000
Pahnihna Rs 70,000
Pathumna Rs 40,000
Consolation Prize Rs 5,000 (4th-10th position)
Participation prize Rs 500 man tlukpui bungrua
Khuangpu ṭha ber Rs 1,500 & Citation
(Khuang pui leh Khuang te pu)
Hla hril thiam ber Rs 1,500 & Citation
Member tam ber Rs 2,000 (Member awm zat atanga percentage lak tur)
Pakhatna Rs 1,00,000
Pahnihna Rs 70,000
Pathumna Rs 40,000
Consolation Prize Rs 5,000 (4th-10th position)
Participation prize Rs 500 man tlukpui bungrua
Khuangpu ṭha ber Rs 1,500 & Citation
(Khuang pui leh Khuang te pu)
Hla hril thiam ber Rs 1,500 & Citation
Member tam ber Rs 2,000 (Member awm zat atanga percentage lak tur)