Blackpink-te'n Record an siam leh ta

15th May, 2019

South Korean girl group lar Blackpink-te chu Billboard Hot100 chart-ah a zawnin kar li chhung an lang a, K-pop zinga hetiang thleng thei hmasa ber an ni.

Blackpink hian an hla hit 'Kill This Love' hmangin record hi an siam a, K-pop zinga Hot 100-a lang zawn rei ber an ni. Member pali awmna Blackpink hian 'DDU-DU DDU-DU' hmangin YouTube-ah record an siam bawk a, viewer maktaduai 800 zet an nei. An hla hi nikum June thla khan YouTube-ah an upload-a , K-pop group zinga heti zat viewer nei thei hmsa ber an ni. K-pop girl group zinga Coachella Valley Music And Arts Festival-a perform hmasa ber an ni cheu bawk.

Blackpink hian 'Kill This Love' hmang hian Hot 100-ah 41, 73 leh 86-na dinhmun an lo hauh tawh a, tun ṭumah erawh 100-na an ni. Kum 2009-a Wonder Girls ten 'Nobody' hmanga Hot100 chart-a an lan hnuah 'Kill This Love' hi lang leh hmasa ber a ni.