Cannes Film Festival ṭan a ni Bollywood star rual an inlan dawn
Khawvela film festival lian leh ngaihhlut berte zinga mi Cannes Film Festival chu May 14, Thawhlehni khan French Riveria, France-ah ṭan a ni a, mipuiin an hlut hle.
Kuminah hian Bollywood star eng emaw zat an inlan dawn a, Deepika Padukone, Aishwarya Rai Bachchan, Sonam Kapoor, Kangana Ranaut, Daina Penty, Malika Sherawat leh Hina Khan-te chuan red carpet an zawh dawn a ni.
72nd Cannes Film Festival ṭan ni hian film star bakah, milar eng emaw zat an fuankhawm. Chung zingah chuan American singer Selena Gomez pawh a tel. Selena hian festival chhimtu mipui mit a la hle a, photographer-te pawhin an bawr nasa hle a ni.
American actress Eva Longoria, Juliana Moore leh Elle Fanning-te chu mipui mit fukna ber pakhat an ni a, British actress Tilda Swinton hmel hmuh tur a awm bawk.
Bollywood star
Ni 11 awh tur Cannes Film Festival-ah hian Bollywood star eng emaw zat an inlan dawn a, boruak pawh an siam hle. Khawvel huapa lar Deepika Padukone leh Aishwarya Rai Bachchan-te inlan tur hi mipui hmuh chak berte zinga mi a ni.
Ni 11 awh tur Cannes Film Festival-ah hian Bollywood star eng emaw zat an inlan dawn a, boruak pawh an siam hle. Khawvel huapa lar Deepika Padukone leh Aishwarya Rai Bachchan-te inlan tur hi mipui hmuh chak berte zinga mi a ni.
Miss World pawh lo ni tawh Aishwarya Rai Bachchan hi kum 2017 khan Cannes Film Festival-ah hian a lo inlan tawh a, mipui lawm a hlawh hle. Kumina a inlan leh tur pawh hi sawi hat a tling a, Deepika Padukone a inlan dawn bawk avangin a boruak a lian zual.
Anni pahnih bakah hian Sonam Kapoor, Kangana Ranaut, Daina Penty, Malika Sherawat leh Hina Khan-te chu an inlan dawn bawk a ni.
Anni pahnih bakah hian Sonam Kapoor, Kangana Ranaut, Daina Penty, Malika Sherawat leh Hina Khan-te chu an inlan dawn bawk a ni.