India-ah Xiaomi Redmi K20

Chinese company Xiaomi chuan smartphone model thar Redmi K20 chu India ramah tlangzarh a nih tur thu an puang.  

Xiaomi India Managing Director Manu Jain chuan hemi chungchang hi tun hnai khan a nemnghet a, tlangzarh hun tur tak erawh a sawi lang lo. A chhuah har vak erawh a rinawm loh a, mipui beisei aia hmaa chhawpchhuah theih an in beisei thu Manu Jain chuan a sawi. 

Redmi K20 hian Qualcomm Snapdragon 855 processor a hmang dawn a, hei hian mipui beng a verh hle. Snapdragon 855 phone-ah chuan man tlawm ber tura ngaih a ni a, a man zat tur erawh tarlan a la ni lo. Thlalak lama tuite tan pop-up selfie camera a chhawm hi chanchin lawmawm a ni a, 32MP sensor a la ni cheu bawk. A battery pawh 4000mAh a ni a, 8GB RAM, 256GB storage a ni bawk.