AMA dawng thei tur zingah Kacey Musgraves
American singer Kacey Musgraves tan hun ṭha a her chhuak zel a, Americana Music Award (AMA) dawng thei tura chhawpchhuah zingah pawh hming langsar ber a ni.
Kum 30 mi Kacey Musgraves hian tun hnaia award sem hrang hrangah hlawhtlinna a lo chang nual tawh a, AMA-ah pawh Artist of the Year ni thei dinhmunah a ding mek. Ani bakh hian Brandi Carlile, Mavis Staples leh Rhiannon Giddens-te chu award dawng thei tura hming langsar an ni.
Americana Music Association chuan Thawhlehni khan award dawng thei tura chhawpchhuahte hming hi an puang a, nominee zingah mipa aiin hmeichhia an langsar zawk. Hetih rual hian award ngaihhlut Entertainer of The Year dawng thei tur zingah hmeichhia an lang lo thung.
He chawimawina hi kum 2011 khan Taylor Swift chuan a lo dawng tawh a, a hnuah erawh mipa an chungnung thung a ni. Swift hian Academy of Country Music Award leh Country Music Association Award-ahte Entertainer of The Year award hi a lo la tawh a ni.
American Music Award hi September 11 khian Nashville, Tennessee-ah sem a ni ang.
American Music Award hi September 11 khian Nashville, Tennessee-ah sem a ni ang.