David Lalremruata hla thar 'Nuimawite'

'Jerusha' tih hla hmanga Zoram mipuiin an hmelhriat David Lalremruata chuan music video thar a nei leh ta. David-a hla thar hi 'Nuimawite' tih a ni a, nizan khan Zonet-ah tihchhuah a ni. 

David Lalremruata hian nikum June thla khan a music video hmasa ber a tichhuak chauh a, a hlawhtlinpui hle thung. A music video hmasa ber  hi 'Jerusha' tih a ni a, Ṭhazual lengzem chart-ah pawh vawi eng emaw zat No.1 a lo hauh tawh a ni. 

Tun ṭuma a hla 'Nuimawite' hi ama phuah a ni a, a sa nalh leh pek hle. Video mawi tak hi Screen Firm siam sak a ni a, recor­ding hi Kings & Prophets Recording Studio, Ramhlun North kut chhuak a ni thung. 

David Lalremruata hi Ṭhazual Award 2018-ah khan lengzem huangah 'Best New Artist' atan thlan a lo ni tawh a, tunlai leng­zem singer zing­ah chuan beiseiawm berte zinga mi a ni. A music video pahnihna hi Zonet bakah, MDM YouTube channel-ah tihchhuah a ni dawn bawk.