Bollywood-ah Manushi Chhillar

Miss World 2017 Manushi Chhillar chuan Aishwarya Rai leh Priyanka Chopra-te hnung zuiin Bollywood a luhchilh dawn tih media-te chuan an tarlang. 

Kum 22 mi Manushi Chhillar hi India lal Prithviraj Chauhan chanchin tarlanna film-ah a chang dawn a, Akshay Kumar nen an changdun dawn tih tarlan a ni. Hei hi a thleng dik a nih chuan Bollywood-a a inlanna hmasa ber tur a ni ang. 

Manushi hian amah ang bawka Miss World lo ni tawh - Aishwarya Rai leh Pri­yan­ka Chopra-te hnung zuia Bolly­wood a luhchilh a nih pawhin a mak lo ang. Prithviraj Chauhan biopic hi Yash Raj films chuan an buaipui dawn a, a changtu tur an zawng mek. Akshay Kumar leh Manushi-te hi an inlan a nih chuan ngaihven a hlawh dawn a, en manhla tur tak a ni ang.

Haryana nula Manushi Chhillar hi Fbb Colors Femina Miss India 2017 atan thlan a ni a, Miss World thlannaah India ai a awh zui. Manushi hi kum naupangte ni mah se Miss World 2017 atan thlan zui a ni a, Indian zianga he title la thei parukna a ni. Kum 2000-a Priyanka Chopra-i'n Miss World title a lak hnua, he title la leh thei hmasa ber a ni bawk. 

Miss World atan thlan a nih hnu hian Bollywood lamah a zuanglut zui dawn nia sawi a awm fo a, tun hnaiah thawm a ring zual. Amaherawhchu thu chiang hriat tur a la awm lo a, sawmna erawh a dawng hnem hle a ni.