GoT fan-te'n petition an thehlut!

Game of Thrones (GoT) fan-te chuan final season siam ṭhat leh phutin petition an thehlut a, ngaihven a hlawh hle. Fan-te hian petition-ah hian GoT season 8 chu siam ṭhat leh a, a script tihdanglam an phut a, thlawp­tu pawh an ngah hle. 

Game of Thrones hi American novelist, George R. R. Martin leh­kha­bu ziah a ni a, HBO chuan hemi behchan hian drama serial an tichhuak. GoT hi tun lai TV show lar ber tih ngam a ni a, hetih lai hian fan-te'n duh khawp lohna an nei. 

Season 8 hi a script a fuh tawk lo an ti a, HBO hnenah final season bik hi siam ṭha leh turin an phut ta rup a ni. 'Dylan D' chuan Ningani khan petition hi an thehlut a, fan 7,66,000 chuangin signature an pe tawh. Fan-te hian an duh khawp lohna hrang hrang an sawi chhuak nasa hle a, a script bakah scene ṭhenkhat pawh an duh khawp lo. Hetih rual hian an hmalakna hian awm zia erawh a nei dawn lo a nih hmel hle. 

GoT hi final season a chhuak mek a, episode tam a awm tawh lo. Hei vang hian HBO lam chuan siam ṭhat leh tumna an nei lo a, a ngaia kaltlangpui an tun tih khawthlang media-te chuan an tarlang.