Architect lar I.M. Pei a thi

Rock And Roll Hall of Fame design-tu American-Chinese architect, I.M. Pei chu Ningani khan a thi a, kum 102 mi a ni. 

A thu puangtu Marc Dia­mond chuan I.M. Pei thih thu hi a puang a, a thih chhan erawh a tarlang lo. I.M. Pei hi architect lar tak a ni a, a sulhnu ropui tak avangin khawvelin a dah sang hle. A kut chhuak zingah hian Rock And Roll Hall of Fame chu a langsar berte zinga mi a ni a, a thih hnu thenga hriat zui tawh tur a ni. 

National Center for Atmos­pheric Research, Everson Museum of Art, National Gallery of Art, The Louvre Pyramid, Museum of Islamic Art leh Rock and Roll Hall of Fame Museum-te chu a kut chhuak zinga langsar an ni. Amah hi Harvard Uni­versity Graduate School Of Design aṭanga zir chhuak a ni a, chawimawina hrang hrang -Pritzker Prize, Twenty-five Year Award, Presidential Medal of Freedom, National Design Lifetime Achievement Award leh Royal Gold Medal-te pawh a lo dawng tawh a ni.