TikTok a lar chak

TikTok chu Apple Application Store aṭanga application download nasat ber a ni a, YouTube, Instagram leh WhatsApp te a khum hial. 

Sensor Tower chuan tun hnai khan first quarter report (2019) a tichhuak a, Apple Application Store bikah TikTok hi a sang ber a ni. Hetih rual hian Android bikah chuan TikTok hian WhatsApp leh Facebook te a phak lo thung. 

Video siamna application TikTok hi a lar chak hle a, hmangtu pawh an pung chak hle. Apple Application Store aṭanga aplication download nasat ber a ni a, hei hian a dinhmun a tarlang chiang hle. TikTok hi Messenger chuan a dawt a, mi maktaduai 200 chuangin an install a - Facebook leh Instagram ten an dawt a ni. 

Report thar berah hian video editing app Biugo leh photo editing app PicsArt te chu download nasat zinga mi an ni. TikTok hi Asia ram hrang hrangah an hmang nasa hle a, India-ah ringawt pawh maktaduai 260 vel zetin an hmang tawh a ni.