Hei le - hla thar nen Israela Pachuau a lo lang e!
Mizo Pathian fakna hla sa zinga thawm lian leh ngaihven hlawh, a aw mawi danglam tak avanga mite ngaihven hlawh em em Israela Pachuau chuan a zai ngainatute tan thu lawmawm a rawn thlen - a official music video hmasa ber chu zaninah tih chhuah a ni dawn.
Israela Pachuau music video thar hi 'Eliza hun ropui' tih a ni a, Robin Mark-a hlaphuah, 'Days of Elijah' tih hla, Thanhlupuia lehlin a ni - zanin dar 7:00 hian The Friday Show Youtube channel-ah en theih turin phochhuah a ni ang.
Israela Pachuau music video thar hi 'Eliza hun ropui' tih a ni a, Robin Mark-a hlaphuah, 'Days of Elijah' tih hla, Thanhlupuia lehlin a ni - zanin dar 7:00 hian The Friday Show Youtube channel-ah en theih turin phochhuah a ni ang.
Zaia puitu
Bawngkawn Chhim Veng tlangval Is-a hla hi King and Prophets Studio-ah recording tih a ni a, music hi Mangheta kutchhuak a ni.
Bawngkawn Chhim Veng tlangval Is-a hla hi King and Prophets Studio-ah recording tih a ni a, music hi Mangheta kutchhuak a ni.
Backing vocals-ah Tetea, Mafela, Hmingthana, Rita-i, Zothani, Linda, Pari leh Ruby Zote-ten an aw an thawh a, Israel-a zai mawi tak pawlh mawi tura an aw lo lang ṭhin chuan 'Eliza hun ropui' a ti ropui lehzual.
Hla chu
Eliza hun ropui tih hla hian Lal Isua lo kal lehna, chu hun lo thleng tura inbuatsaihna leh, Pathian thu tlangaupuina lam a hawi a, he khawvel buaina kara inpui tawna dik taka nung tura inngenna a ni bawk.
Eliza hun ropui tih hla hian Lal Isua lo kal lehna, chu hun lo thleng tura inbuatsaihna leh, Pathian thu tlangaupuina lam a hawi a, he khawvel buaina kara inpui tawna dik taka nung tura inngenna a ni bawk.
He hla phuahtu Robin Mark chuan, "Pathian hnena ka ṭawngṭai hnua ka hla dawn a ni a, Pathian chuan thlarauin min rawn biaah ka ngai a, engkim hi a thuhnuaia awm a nih thu leh Elija ang khan ama tana nghet taka ding turin min rawn ti a ni," tiin he hla pian dan hi a lo sawi tawh.
Lawmthu
Israela Pachuau chuan, "Zaia min puitute chungah ka lawm takzet a, he hla ka puitlin theih nana min buaipuitu zawng zawngte chungah ka lawm bawk a, ka hla thar min puanzar sak ṭhintu media ho chungah ka lawm hle bawk," tiin Vanglaini a hrilh.
Israela Pachuau chuan, "Zaia min puitute chungah ka lawm takzet a, he hla ka puitlin theih nana min buaipuitu zawng zawngte chungah ka lawm bawk a, ka hla thar min puanzar sak ṭhintu media ho chungah ka lawm hle bawk," tiin Vanglaini a hrilh.
Siamtu Kutchhuak, Van hlamawi, Thingpuisen leh hla dang tam tak lo larpui tawhtu Israela chuan, "A ngaihthlatu apiangten Pathian malsawmna lo dawng se ka duh takzet bawk," tiin a hla thar chuan mite tan malsawmna thlen se a duh thu a sawi bawk.