Entrepreneurs Platform buatsaih dawn
2021 Valentine's Day Young Enterpreneurs' Awakening Event chhun-zawmna leh ṭhalaite hlawhtling chho zel tura an thiam thil pho chhuahna tur atan vawiin tlaiah hian Heritage Lounge Aizawlah Entrepreneurs Platform buatsaih a ni dawn.
He hunah hian Mizorama designer, model leh Entrepreneurship lama mithiamte'n hun an hmang dawn. Ṭhangtharte tana Pathian zara beiseina leh hlawhtlina kawng a hawn zelna tur a buatsaih a nih thu a buatsaihtu Entrepreneur Platform Brand KRÓ chuan thuchhuah an siamah an tarlang.
KRÓ hnuaia platform hmasa ber turah hian designer pathum thil siamte chu model-te kaltlangin pho chhuah a ni dawn a, product display a hmuna lei nghal theih a ni dawn bawk. Entrepreneurship lama mi thiamte'n ṭhalaite tana kawng inhawng an hriat theih na tur puan chhuah na hun leh an mahni fuihna hun te an nei dawn bawk tih KRÓ chuan tarlangin, special coverage neih a nih dawn bakah zaithiamte leh model-te chu Mizo kut chhuak ngei hain an lo inlan dawn.
Heng products/ thil-siamte hi hemi ni a zawrh tura pho chhuah a nih dawn bakah online a zawrh chhuah dan kawng hawn chhoh zel a ni dawn bawk.