Record siamtu Drake

Billboard chart hrang hrangah American tleirawl Olivia Rodrigo 'Drivers License' rorelna hun a tawp a, Canadian artist Drake hun a inher chhuak thung.

Olivia Rodrigo 'Drivers License' hi Billboard Global Excl. US-ah topper a la ni a, chart dangah erawh pakhatna dinhmun a hauh zo lo mai ni loin top 5-ah a inhlang kai pha ṭawk hlawm. Billboard Hot 100 leh Billboard Global 200 chart-ahte chuan pangana a ni ve ve. 

Drake, Drake, Drake
Billboard Hot 100 chart-ah Drake chuan a hla 'What's Next' chu topper a nihpui. Billboard Global 200 chart-ah pawh he hla tho hi topper a nihpui a, Artist 100 chart-ah pakhatna a ni bawk.

Drake hian US single chart-ah hian record a siam nghe nghe a, hla pathum 'What's Next', Lil Baby nena an sak 'Wants And Needs' bakah Rick Ross a thawhpuina 'Lemon Pepper Freestyle'-te chu a rualin single chart-ah top 3-ah a lanpui thei a, hetiang record siam thei artist hi an la awm ngai lo.

Global 200 chart-ah pawh heng hla pathumte hi top 4-ah a lanpui vek bawk a ni. 'What's Next' phei hi chuan tlangzarh karah khan stream maktaduai 49 a nei hman a, 19,00 download a nih bakah radio hrang hrangah an play nasa hle.

Billboard Hot 100 Top 5
1    What's Next    Drake
2    Wants And Needs    Drake Featuring Lil Baby
3    Lemon Pepper Freestyle    Drake Featuring Rick Ross
4    Leave The Door Open    Silk Sonic (Bruno Mars & Anderson .Paak)
5    Drivers License    Olivia Rodrigo

Billboard 200 Top 5
1    Dangerous: The Double Album    Morgan Wallen
2    Shoot For The Stars Aim For The Moon    Pop Smoke
3    Shiesty Season    Pooh Shiesty
4    After Hours    The Weeknd
5    The Voice    Lil Durk

Billboard 200 chart-ah erawh Morgan Wallen album 'Dangerous: The Double Album' bawk pakhatna a ni leh. Kar kua chhung pakhatna a ni tawh a ni. Pop Smoke 'Shoot For The Stars Aim For The Moon' chu pahnihna niin Pooh Shiesty 'Shiesty Season' chu pathumna a ni bawk.