Miss Mizoram 2020 thlang dawn
Zonet Cable TV leh Mizoram Journalists' Association (MJA) ṭangkawp chuan Miss Mizoram thlanna an nei leh dawn.
MJA Gen Hqrs Office Bearers leh Miss Mizoram Organising Committee chu nikum December 19 khan ṭhukhawmin, Miss Mizoram Organising Committee a MJA aiawh tur pawh ruatfel an ni tawh a, kalphung tur pawh an duangfel tawh bawk. Kum danga la tih ngai loh angin Miss Mizoram 2020 thlannaah hian District 10 aiawh thlan phawt tur a ni dawn a, District MJA-ten an district aiawh tur theuh an lo thlang dawn a, heta thlan chhuah pakhat zel chu an awmna District hmingin Miss Mizoram title pek an ni dawn. Miss Mizoram Contest-ah hian Open Audition ngai tawh lovin Finalist an ni nghal dawn bawk. District aiawh thlang tur hian District MJA te chu an duh anga hma la tura zalenna pek an ni.
District MJA te hian January thla chhung hian an hnuaia District aiawh tur thlanna neiin an zo fel hman dawn a, District aiawh tur puan dan indawt leh puan hun tur erawh an la tarlang leh dawn thung. Miss Mizoram 2020 thlannaah hian MJA in Aizawl district a hrana a neih loh avangin Aizawl-ah ram pum huapin Miss Mizoram 2020 Open Audition neih a ni dawn a, hetah hian Aizawl District bakah Mizoram chhunga cheng nghet apiang tel theih a ni ang. Beauty pageant kalphung pangngai dungthulin district a finalist ni pha lote pawh Aizawl Audition-ah hian an tel leh thei bawk ang. Open Audition hi February 4, 2020 aṭanga
ṭan tur a ni dawn.
Miss Mizoram 2020-a tel turte hriat tur:
1. 18-27 years of age
2. Height 5’5”
3. Single/ Unmarried Female/ Not engaged
4. Resident of Mizoram (Voters ID/ Adhaar Card)
5. Open Audition Form heng hmunah hian a lakchhuah theih ang:
- Zonet Office
- MJA Office
6. Online Application Zonet Website-ah tih theih a ni bawk.
7. Open Audition hi February 4 aṭangin ṭan tur a ni.