GREEN BAG Zirtawpniah a en theih dawn
ZONET leh M_SPACE Production thawkdunin an siam, Mizo film 'Green Bag' chu Zirtawpni lo awm tur, March 26 hian Zonet Cable TV kaltlangin tihchhuah a ni dawn.
'Green Bag' plot hi Mizo film danga kan la hmuh ngai zen zen loh a ni dawn a, a dangdai dawn hle a, chu chu en tichakawm zualtu pawh a ni. Helho hnena silai hralhna pawisa tam tham tak bo vanga buaina lam film a ni dawn a, 'Mittui' ang bawk khan Lungdai khua leh a chhehvela chan a ni tho a, Covid-19 vanga Mizoram pum kan buai nasat lai khan, a changtute hi Lungdai khuaah inkulhin shooting hi an nei a ni.
He Film Director hi Malsawma Fanai (M_SPACE) chuan hemi chungchang hi a hmain Vanglaini a lo hrilh thawi tawh a, 'Mittui' film an tlangzarh dawn khan project dang eng emaw zat tihchhuah tur an neih thu lo sawi tawhin tunah hian chung project hrang hrang chu kan hmu chho ṭan dawn niin a lang.
Malsawma hi 'Thingtlang Tlangval' leh 'Grace'-te lo siam tawhtu, Mizo film siam lama sulhnu ṭha tak tak lo hnutchhiah tawhtu kha a ni bawk nen, 'Green Bag' pawh hi a hmuhnawm leh hle turah ngai ang.
Central KṬP kumpuan film, 'Hnehtu' Screen play ziaktu David Lalrinsanga script ziah a ni lehzel bawk nen, Mizo film tuipuite tan chuan en chakawm tak tur pawh a ni.
Rosangpuii Ralte kan hmu leh dawn a, midang erawh kan la hmelhriat ngai lem loh an ni dawn thung. VL Hriatthiama, Hruaizela Kawlni leh Robert Lalnunmawia te chu he film-a changtute hi an ni.
ZONET leh M_SPACE production-te hi thawhdun chhoh zel an tum a, 'Mittui' kha an thawhdunna project hmasa ber niin thlirtute pawhin an fak hle a, anni thawhdunna zarah hian Mizo film ṭha tak tak kan hmu chho nual dawn niin a lang.
An film tihchhuahte hi Zonet Cable TV bakah ZONET ott platform tv.zonet.in-ahte pawisa tlem chawiin a en theih reng dawn a ni.
'Green Bag' plot hi Mizo film danga kan la hmuh ngai zen zen loh a ni dawn a, a dangdai dawn hle a, chu chu en tichakawm zualtu pawh a ni. Helho hnena silai hralhna pawisa tam tham tak bo vanga buaina lam film a ni dawn a, 'Mittui' ang bawk khan Lungdai khua leh a chhehvela chan a ni tho a, Covid-19 vanga Mizoram pum kan buai nasat lai khan, a changtute hi Lungdai khuaah inkulhin shooting hi an nei a ni.
He Film Director hi Malsawma Fanai (M_SPACE) chuan hemi chungchang hi a hmain Vanglaini a lo hrilh thawi tawh a, 'Mittui' film an tlangzarh dawn khan project dang eng emaw zat tihchhuah tur an neih thu lo sawi tawhin tunah hian chung project hrang hrang chu kan hmu chho ṭan dawn niin a lang.
Malsawma hi 'Thingtlang Tlangval' leh 'Grace'-te lo siam tawhtu, Mizo film siam lama sulhnu ṭha tak tak lo hnutchhiah tawhtu kha a ni bawk nen, 'Green Bag' pawh hi a hmuhnawm leh hle turah ngai ang.
Central KṬP kumpuan film, 'Hnehtu' Screen play ziaktu David Lalrinsanga script ziah a ni lehzel bawk nen, Mizo film tuipuite tan chuan en chakawm tak tur pawh a ni.
Rosangpuii Ralte kan hmu leh dawn a, midang erawh kan la hmelhriat ngai lem loh an ni dawn thung. VL Hriatthiama, Hruaizela Kawlni leh Robert Lalnunmawia te chu he film-a changtute hi an ni.
ZONET leh M_SPACE production-te hi thawhdun chhoh zel an tum a, 'Mittui' kha an thawhdunna project hmasa ber niin thlirtute pawhin an fak hle a, anni thawhdunna zarah hian Mizo film ṭha tak tak kan hmu chho nual dawn niin a lang.
An film tihchhuahte hi Zonet Cable TV bakah ZONET ott platform tv.zonet.in-ahte pawisa tlem chawiin a en theih reng dawn a ni.