John Mayer album thar a ngaihthlak theih ṭep, em ni?
'Gravity' hitmaker John Mayer chuan a album thar tur a peihfel tawh tih social media kaltlangin a tarlang a, album thar a tlangzarh lo rei tawh bawk a, a fan-te tan chuan thu lawmawm a ni ngei ang.
A lar vanglai tak tak khan heti hian an sawi ṭhin, "John Mayer chuan fan chi hnih a nei- nula ho leh guitarist ho," tiin. Chuvang chuan a album thar tur hi nula ho leh guitartist ho tan chuan a nghahhlelhawm hle ang tih a rinawm. Rimawi ṭha, guitarist-te lairil fantu rimawi a rawn chhawp chhuak leh turah ngai ila, kan tisual awm lo e.
Thawm lian tham hun eng emaw chen a neih loh hnuah Grammy Award 2021 semna ceremony-ah Maren Morris nen an inlan a, chuta ṭang chuan kar khat vel a liam tihah social media lamah a album thar tur chungchang hi a sawi lang a ni.
A lar vanglai tak tak khan heti hian an sawi ṭhin, "John Mayer chuan fan chi hnih a nei- nula ho leh guitarist ho," tiin. Chuvang chuan a album thar tur hi nula ho leh guitartist ho tan chuan a nghahhlelhawm hle ang tih a rinawm. Rimawi ṭha, guitarist-te lairil fantu rimawi a rawn chhawp chhuak leh turah ngai ila, kan tisual awm lo e.
Thawm lian tham hun eng emaw chen a neih loh hnuah Grammy Award 2021 semna ceremony-ah Maren Morris nen an inlan a, chuta ṭang chuan kar khat vel a liam tihah social media lamah a album thar tur chungchang hi a sawi lang a ni.
Record, mix leh master zawhfel a ni tawh - Mayer
Inrinni zanah khan TikTok-a video a post-ah "A hun ta e" tia caption siamin '#newmusic' tih a dahtel a, a Instagram Story lamah chuan a album thar tur chu,"Record, mixing leh mastering zawhfel a ni tawh. Tun hnai thla hnih thum chhung vel chu ka ṭhiante ka ngaihthlak tirin ka share tawh a ni," tiin a ziak bawk. "Single clip khat chu ka drop-in ka ring," tiin a sawi zui bawk. Mahse hei bak hi chu thildang a sawi zui lem lo.
Kewin Frost-a'n Grammy hma lawka a interview-naah pawh a record thar tihchhuah tur chungchang hi a sawi lang zuai tawh a, a interview tawp lamah,"Ka rilru chuan ka hla tharte chu ka sa a, mahse April hma chuan i ngaithla dawn lo," tiin a fiam zauh a, hei pawh hi a fan-te chuan April thlaah hian album thar a tichhuak dawn niin an ngai a, YouTube comment lam aṭang pawhin nghakhlel tawh fe fe an tam tih a hriat thei a ni.
Kum 2017-a a studio album pasarihna 'The Search for Everything' a tlangzarh hnuah khan Mayer hian album thar a la tichhuak leh lo a, mahse single erawh a tichhuak zeuh zeuh thung.
'New Light', 'Carry Me Away' leh 'I Guess I Just Feel Like' te a tihchhuah bakah Leon Bridges nena 'Inside Friend' an tihchhuahte kha a album thara mi turte hi an ni em tih erawh hriat a la ni lo a, a album thar tur chungchang hi chiang takin la sawi fak lo mah se kuminah erawh kan ngaihthlak hman ngei a rinawm.
Inrinni zanah khan TikTok-a video a post-ah "A hun ta e" tia caption siamin '#newmusic' tih a dahtel a, a Instagram Story lamah chuan a album thar tur chu,"Record, mixing leh mastering zawhfel a ni tawh. Tun hnai thla hnih thum chhung vel chu ka ṭhiante ka ngaihthlak tirin ka share tawh a ni," tiin a ziak bawk. "Single clip khat chu ka drop-in ka ring," tiin a sawi zui bawk. Mahse hei bak hi chu thildang a sawi zui lem lo.
Kewin Frost-a'n Grammy hma lawka a interview-naah pawh a record thar tihchhuah tur chungchang hi a sawi lang zuai tawh a, a interview tawp lamah,"Ka rilru chuan ka hla tharte chu ka sa a, mahse April hma chuan i ngaithla dawn lo," tiin a fiam zauh a, hei pawh hi a fan-te chuan April thlaah hian album thar a tichhuak dawn niin an ngai a, YouTube comment lam aṭang pawhin nghakhlel tawh fe fe an tam tih a hriat thei a ni.
Kum 2017-a a studio album pasarihna 'The Search for Everything' a tlangzarh hnuah khan Mayer hian album thar a la tichhuak leh lo a, mahse single erawh a tichhuak zeuh zeuh thung.
'New Light', 'Carry Me Away' leh 'I Guess I Just Feel Like' te a tihchhuah bakah Leon Bridges nena 'Inside Friend' an tihchhuahte kha a album thara mi turte hi an ni em tih erawh hriat a la ni lo a, a album thar tur chungchang hi chiang takin la sawi fak lo mah se kuminah erawh kan ngaihthlak hman ngei a rinawm.