American Idol winner Laine Hardy
American Idol Season 17 chu Pathianni zan khan zawhfel a ni leh ta a, kum 19 mi Laine Hardy chu winner a ni. Final-ah hian - Laine Hardy, Alejandro Aranda leh Madison VanDenburg-te an intihsiak a, a tawpah Hardy a ding chang. Louisiana-a cheng Laine Hardy hi American Idol-a a inlan vawi hnihna a ni a, Season 16-ah khan a lo inlan tawh. Beidawng duh loa a thawhrimna chuan a tum ram a hruai thleng a, Season 17-ah chuan tuma tluk rual lohin American Idol title a hlawh chhuak ta a ni. Grand Finale-ah hian - Weezer, Carrie Underwood, Dan + Shay, Daddy Yankee, Kool + The Gang, Adam Lambert, Jon Pardi, Kane Brown leh Montell Jordan-te an perform a, Season 17 top 10-te an inlan bawk. Hardy hian judge - Katy Perry, Luke Bryan leh Lionel Richie-te rilru a hmin ber a, mipa zinga American Idol ni thei 11-na chiah a ni. Hardy hma hian - Ruben Studdard (season 2), Taylor Hicks (season 5), David Cook (season 7), Kris Allen (season 8), Lee DeWyze (season 9), Scotty McCreery (season 10), Phillip Phillips (season 11), Caleb Johnson (season 13), Nick Fradiani (season 14) leh Trent Harmon (season 15)-te chuan hnehna an lo chang tawh bawk. Hmeichhe lamah chuan - Kelly Clarkson (season 1), Fantasia (season 3), Carrie Underwood (season 4), Jordin Sparks (season 6) leh Maddie Poppe (season 16)-te chu title la tawhte an ni.