Box Office-ah Endgame ngamtu John Wick

Avengers: Endgame chuan Box Office-ah ngam loh a tawng ve ta nge nge a, tun hnaia film chhuak thar John Wick: Chapter 3 - Parabellum chuan a khum. He thriller/mystery film hian tun weekend chhung khan $mtd 48 zet a lalut a, Avengers: Endgame chuan $mtd 29.7 a thawk chhuak ve leh bawk. Pokemon Detective Pikachu chuan $mtd 26 lalutin pathumna a hauh.John Wick 3Canadian actor Keanu Reeves leh American actress Halle Berry-te channa John Wick 3 hi May 15 khan Finland-ah tlangzarh a ni a, khawvel hmun hrang hrangah chhuah chhoh mek a ni. North America lamah a cheṭha hle a, hun eng emaw chen ro lo rel tawh Avengers : Endgame a nek chhuak hial a ni. Tun weekend chhung khan theater 3,850-ah chhuah a ni a, heta ṭang hian $mtd 48 zet a lalut. North America bakah hian Australia, Brazil, Russia, Italy, Mexico, Scandinavia leh UK-ahte hralh a tla hle a, tun hnaia film chhuak thar zingah chuan en hlawh ber a ni chho mek. American film director leh stuntman lar Chad Stahelski-a kut chhuak film hian preview aṭang ringawt pawhin $mtd 5.9 a lalut a, John Wick 2 ai khan hralh a kal zawk a ni. John Wick hi a thar hmuh tur a awm leh thuai dawn a, May 21, 2021-ah John Wick: Chapter 4 a chhuak dawn a ni.  Avatar chungah EndgameAmerican film director lar Anthony Russo leh Joe Russo-te kutchhuak Avengers: Endgame hi sum lakluh kawngah a che ṭha zui zel a, Box Office aṭanga sum lakluh tam lamah Avatar a khum hial. He fantasy/sci-fi film hian North America aṭang ringawtin $mtd 771 zet a lalut tawh a, James Cameron kutchhuak Avatar a khum. Avatar hian Box Office aṭangin $mtd 760 a lalut a, North America bikah chuan endgame hi a phak lo a ni.Hetih lai hian Star Wars: The Force Awakens chu Box Office aṭanga sum lalut hnem ber ($mtd 937) a ni a, Endgame leh Avatar-te hian an dawt a ni.

US Box Office Top 31. Star Wars: The Force Awakens - $mtd 937 2. Avengers: Endgame - $mtd 7713. Avatar - $mtd 760

Film chhuak tawh zinga sum lalut hnem ber erawh Avatar a la ni fan a, Avengers: Endgame hian a la phak thei meuh lo. Robert Downey, Jr., Chris Evans leh Brie Larson-te channa film hian kar liam ta chhung khan khawvel hmun hrang hrang aṭangin $mtd 40 vel zet a thawk chhuak leh a, Avatar a hnaih hret hret. A sum lakluh tawh zawng zawng hi $tld 2.62 zet a tling tawh a, Avatar ($tld 2.78) khum thei turin a dinhmun a siam ṭha mek zel.

World Box Office Top 31. Avatar - $tld 2.78 2. Avengers: Endgame - $tld 2.623. Titanic $tld 2.1PokemonPokemon Detective Pikachu chuan a chet ṭhat a chhunzawm zel a, $mtd 26.1 lalutin top 3-ah a inhamtang. Candian actor Ryan Reynolds leh American actress Kathryn Newton-te channa film hi May 9 khan release a ni a, en hlawh berte zinga mi a ni. A Dog's Journey leh The Hustle-te chu sum lalut hnem zual zingah an tel a, The Sun Is Also a Star, The Intruder, Long Shot, Poms leh Uglydolls-te chu top 10-ah an lang bawk. 

Box Office Top 101. John Wick: Chapter 3 - Parabellum - $48 2. Avengers: Endgame - $29.7 3. Pokemon Detective Pikachu - $26.1 4. A Dog's Journey - $105. The Hustle - $66. The Sun Is Also a Star - $57. The Intruder - $3.98. Long Shot - $39. Poms - $2.410. Uglydolls - $1.5