Box Office-ah Raya and the Last Dragon bawk

North America Box office-ah kar tawp liam ta khan kar hmasaa sum lalut tam ber Raya and the Last Dragon bawkin sum a lalut tam leh ber a, pakhatna a ni leh.Computer-animated fantasy film Raya and the Last Dragon hi kar thum chhung a zawnin pakhatna a ni ta a, kar tawp liam taah khan theatre 2,261-ah pe chhuak lehin $5,129,473 a lalut a ni. Ram dang aṭanga a sum lakluh nen $mtd 71.3 vel lai a lalut tawh a, mahse an film siamna budget erawh an la pha lo thung. He film siamna atan hian $mtd 100 vel an seng nia chhut niin hemi hmu chhuak tur erawh hi chuan tun ang hripui leng karah hi chuan hun a la duh deuh dawn niin a lang.Naupang lawm zawng tho, Tom and Jerry chu pahnihna ni thungin $3,800,000 a lalut a, tlangzarh a nih aṭanga kar tawp liam ta thleng khan Tom and Jerry hian  $77,500,000 a lalut tawh.Chaos Walking pawh pathumna a ni nawn leh a, $1,923,097 lalut lehin theatre 2,132 laiah an la pe chhuak a ni.Film thar Kar hmasaa tlangzarh thar zingah The Courier chu a che ṭha bera, palina a ni. He film hian kar tawpah khan $1,882,089 a lalut a ni. 12-na City of Lies chu film thar a ni bawk a, 24-na Last Call leh 28-na Dark State chu film thar an ni bawk.