Martin Luther King Jr fanuin Bieber lawmthu a hrilh

Martin Luther King (MLK) Jr. fanu Bernice King chuan Justin Bieber chu King Center leh a Be Love campaign a thlawp avangin lawmthu a hrilh.Canadian Singer Justin Bieber hian a album thar 'Justice'-ah khan Martin Luther King Jr.-a audio clip a dahtel nual a, a opening track '2 Much'-ah chuan MLK thusawi lar tak 'Injustice anywhere is a threat to justice everywhere' tih a dahtel a, Ebenezer Baptist Church-a kum 1967-a a thusawi audio-te pawh a dahtel bawk a ni.Bieber hian twitter-ah dikna kenkawh duh pawlte chu a thlawp zel dawn tih sawiin King Center bakah pawl hrang hrang chu a mention a, hei hi Bernice King chuan lo chhang letin,"Kan zavai hian, artist leh entertainer-te pawh telin, eng emaw kan ti thei a ni," a ti a, Justin Bieber chu mention-in King Center leh Be Love campaign a thlawp avangin lawmthu a hrilh zui bawk.Justin Bieber album thar 'Justice' hi Billboard-in music poll a siamah pakhatna a ni mek a,  Lana Del Rey (Chemtrails Over the Country Club), J Balvin (“Tu Veneno”), Paloma Mami (Sueños de Dalí) leh Addison Rae (“Obsessed”)-te aiin duhtu a ngah zawk a, vote tla zawng zawng aṭanga 47% dawn a huah a ni.