Jlo leh Shakira Super Bowl halftime show-in hektu a ngah

Kumin Super Bowl half time show-a Jennifer Lopez leh Shakira performace chuan lawmtu a ngah rualin duh lotu pawh an tam hle.

US media-a khuahkhirhna kengkawhtu Federal Communi­cations Communications (FCC) hnen­ah hektu mi 1,300 chuang ang an awm a ni. Latin superstar-te performance duh lotute hekna thehluh hi phek 500 laia chhah a ni a, FCC chuan an webiste-ah mipui hmuhtheih turin hekna lutte hi an tarlang.

Mi ṭhenkhat chuan naupang tana en mawi lo tak a ni tih leh prime time-a chhuah a nih avangin naupang tam takin an en thute an ziak a ni. 

Super Bowl half time show kha mi maktaduai 103 laiin an thlir a, a event pui ber ai pawhin entu an tam zawk a ni. Super Bowl sporting event tak kha chu mi maktaduai 99.9 velin an en thung.