Apple-in MacBook Pro chak chi tlangzarh

American multina­tional technology com­pany Apple chuan MacBook Pro-a zawnga chak ber tur an tichhuak thar a, ngaihven a hlawh nghal hle. 

Apple MacBook Pro hian 8-core a hmang a, hei hi quad-core Mac­­Book Pro aiin a letin a chak zawk a ni. 8th & 9th Intel Core processor a nih avangin 6-core MacBook Pro aiin 40% vela ṭha zawk tura beisei a ni bawk. A man hi Rs. 1,59,000aṭang­in a inṭan a, Rs. 1, 99,900 man thleng a awm. 

Apple hian MacBook Pro-a 8-core a hman vawi khatna a ni a, company lampawhin an thil siam hi an chhuang hle. Senior Director Tom Boger chuan, "Customer-te hman theih tura chhawppchuah hlan hi kan nghakhlel tawh takzet a, a ṭhat zia hi tem ve thuai se kan duhsak a ni," tiin a sawi. MacBook Pro thar hi India-ah chuan tunkar tawp lam aṭang hian online-a lei theih turin zawrhchhuah hman beisei a ni. Apple MacBook Pro hi - 3D designer, video­grapher leh photographer tan chuan hman chi tur tak a ni a, computer dangte aiin a render speed a sang fal hle a ni.