Russia President-in mobile phone a nei lo maw?

Russia president Vladimir Putin chuan mobile phone a hmang lo tih a sawi mauh mai!

TASS state news agency-in an interview-na Ningania a tihchhuahah Vladimir Putin chuan mobile phone a hmang ngai lo tih a sawi a, mahse official phone bik, a duh duh number a biakpawh theihna erawh a hmang ṭhin tih a sawi thung.

Putin hian a hma pawhin smartphone a hman loh thu a lo sawi fo tawh a, TASS state news agency hnenah pawh hian sawi nawn leh a ni. Kum 2010 khan smartphone a hman duh loh chhan hi lo sawi tawhin a rik reng dawn vang a nih thu a sawi.

Russia security agent pakhat pawhin venhimna ṭha zawk hnuaia inbiakna neihin a ngaih a thihṭhat zawk vangin Putin chuan mobile phone a hmang duh lo tih a sawi tawh bawk. Russia tabloid lar tak pakhat pawhin 2003 khan an ram hruaitu chuan mi biak duh a neih chuan a bulhnaia awm a security officer phone a hmansak mai ṭhin niin an lo tarlang tawh bawk a ni.

Vladimir Putin-a chungchanga thil dangdai tak leh inhnialna tam tak chu a himna turin amah ang (body double) a hmang ṭhin nia sawi a awm ṭhin! Mi ṭhenkhat chuan a thlalak hrang hrangte khaikhinin amah ang tak mi tam tak chu a aiawhin an inlan ṭhin nite pawhin an sawi.

TASS state news agency chuan hemi chungchang pawh hi an zawt nghe nghe a, mahse Putin chuan a hman ngai loh thuin a chhang.

Zawhna zawttu chuan, "Nagmah tak tak ini em?" tiin a zawt hial a, Putin pawhin amah ngei a nih thuin a chhang a ni. 

Russia-a kum 20 chuang thuneitu pawimawh ni tawh, kum 67 mi Putin chuan 'body double' hmang tura hlui a nih tawh erawh a sawi lang thung. "Firfiak laka beihpui thlak hunlai, hi harsat lai ber khan body double' hmang tura hlui ka ni. Mahse ka hnawl a ni," a ti a, a hmang ngai lo tih a sawi bawk.