India Box Office-AH Student Of The Year 2 a hit

Bollywood film ngaihven hlawh tak Student Of The Year 2 chuan India Box Office-ah ro a rel mek a, a sum lakluh pawh a namai lo hle. A sum thawhchhuah tawh zat hi cheng vaibelchhe 61.18 zet a tling tawh a ni. 

Tiger Shroff leh Ananya Pandey-te channa Student Of The Year 2 hi May 10 khan tlangzarh a ni a, kar khat chhung lekin vaibelechhe 50 zet a lalut hman. India mai ni lo khawvel ram hrang hrangah en a hlawh hle a, North America thlengin a tuam chhuak mek a ni. 
North America bikah hian Box Office-ah top 15 a kai phak hial a, Avengers: Endgame leh John Wick: Chapter 3 – Parabellum boruak len lai a nih avangin a namai lo hle. India-ah bik chuan tunlai Bollywood film lar ber tih ngam a ni a, khawpui hrang hrang a tuam hneh hle. 

Student Of The Year 2 hi Indian film director Punit Malhotra kutchhuak a ni a, kum 2012-a tichhuah Student of the Year nen khan an khaikhin nasa hle. Student of the Year hi Karan Johar kutchhuak a ni a, Alia Bhatt leh Varun Dhawan-te an changdun a ni. Box Office 
aṭangin vaibelchhe 109.10 a lalut a, hei hi Student of the Year 2 hian a phak ang em tih chu hriat chakawm tawh tak a ni.  

Ananya Pandey
Kum 20 mi Ananya Pandey hian tun hnaiah boruak a rawn nei lian hle a, Bollywood star beisei awm berte zinga mi a ni. Amah hi veteran actor Chunky Pandey fanu a ni a, a pa hnung zui turin Bollywood-ah a a tlatlum sawt hle. 

Film a channa hmasa ber chu Student of the Year 2 hi a ni a, heti chung hian a lar tawh hle. Mumbai nula Ananya Pandey hi University of Southern California, Los Angeles aṭanga zir chhuak ngat a ni a, a hma hun a eng hle. Film chang tura sawmna pawh a dawng hnem hle a, Pati, Patni leh Aur Woh-ahte a inlan zui dawn a ni. 

Bollyood star zingah Varun Dhawan leh Ranveer Singh-te chu a mi ngaihsan an ni a, Tom Hiddleston leh Leonardo DiCaprio-te chu Hollywood lama a ngaihsante an ni. Infiamna lam pawh a ngaina hle a, footballer zingah Neymar, Wayne Rooney leh Cristiano Ronaldo-te chu a ngaisang hle bawk.