Rolling Stones an inpeih leh tawh

British rock band lar Rolling Stones chuan tour nei turin an inpeih leh tawh tih an puang a, June thla aṭangin North America an pan dawn. 

Rolling Stones hian an vocalist Mick Jagger dam ṭhat loh avangin tour an neih tur pawh an lo ṭhulh lailawk tawh a, tunah erawh chanchin lawmawm lam hriat tur a awm leh ta a ni. North America-ah hian No Filter Tour an nei dawn a, June 21-ah Chicago-ah bul an ṭan dawn a ni. Chicago aṭang hian Ontario, Canada an pan ang a, Washington, New Orleans, Philadelphia leh khawpui hrang hrangah show an nei dawn a, August 31 khian Miami-ah a hmawr an bawk dawn a ni. 

English singer Mick Jagger hian tun thla tir lam khan a dam ṭhat thu social media kaltlangin a lo puang tawh a, tour nei turin a inpeih thu a tarlang bawk.