Daniel Craig an zai dawn

James Bond film thar tur chu shooting an nei chho mek a, hetih lai hian a changtupa ber Daniel Craig chu zai a ngai dawn. 

British actor Daniel Craig hian a ke rekah hliam a tuar a, zai tenau a tawk dawn a ni. Kum 51 mi Daniel Craig hi Jamaica-a shooting an neihnaah a inhliam a, kar hnih chhung vel a chawlh a ngai dawn a ni. Film siamtu lam chuan, "Craig hian zai tenau a tawk dawn a, kar hnih thum vel chu a chawlh a ngai dawn a ni. A dam thuai kan duhsak a, shooting pawh ṭan leh thuai kan beisei," tiin thuchhuah an siam. 

Bond 25 hi nakkum April thla velah tihchhuah hman beisei a ni a, a changtu zingah mi thar an awm nual avangin ngaihven a hlawh hle. Cuban actress Ana de Armas chu Bond Girl tur a ni a, Bohemian Rhapsody star Rami Malek chu a vawi khat nan James Bond film-ah a inlan dawn bawk.