Redmi Note 7S a chhuak ta

Redmi Note 7S chu India ramah tlang­zarh a ni ta. Note 7S hi Flipkart chuan an zuar chhuak a, Mi.com leh Mi Home store-ahte online-a chah theih a ni bawk. 

Chinese company Xiaomi chuan Redmi Note 7S an tlangzarh tur thu hi an lo puang tawh a, nimin khan lei theih turin an chhawp chhuak ta a ni. Note 7S hi a camera a hman tlak viau dawn a nih hmel a, 48-megapixel zet a ni.  5-megapixel dual rear camera leh 13-megapixel selfie camera a ni a, AI portrait mode a support bawk. 

3GB RAM, 32GB storage leh 4GB RAM - 64GB storage-te a ni a, a man hi Rs. 10,999 leh Rs. 12,999 a ni ang. 6.3-inch full HD+ display a ni a, a hnung leh hma lamah Gorilla Glass 5 protection a awm thlap bawk. Note 7S-ah hian fingerprint sensor dah a ni a, AI Face Unlock a keng tel cheu bawk. 

He smartphone model thar hian octa-core Qualcomm Snapdragon 660 a hmang a, a battery pawh 4,000mAh zet a ni.