Ruthi CVL Muanpuii Hla thar 'Bible'

Ruthi CVL Muanpuii chuan music video thar a peihfel leh ta a, Zonet-ah tihchhuah a ni. A hla thar hi 'Bible' tih a ni a, Bible hlut zia tarlanna hla ṭha tak a ni. 

Ruthi hian kumina music video a tichhuah vawi khatna a ni a, a hmain paruk lai a lo siam tawh thung. Tun ṭuma a hla 'Bible' tih hi Lalruatliana Chawnghlut phuah a ni a, Ruthi hian a sa nalh hle. 

Music track hi Larry-a siam sak a ni a, recording hi Princeton Recording kut chhuak a ni. Video mawi tak hi Mawitea Hauchhum (RDS) siamsak a ni bawk a, belhchian a dawl leh pek hle. 

Ruthi chuan, "A hla thu hi ka duhin min hneh em emtu a ni a, ngaihthlak liam mai mai hi harsa ka ti ṭhin. Chang tin mai hian ka thinlung hi a hneh em em vek a, mite rilru pawh a khawih ve ngei ka ring," tiin a hla chungchang a sawi. 

Dawrpui Vengthar nula chuan sawi zawmin, "Bible hlut­na, ropuina leh pawimawhzia a sawifiah chiang em em a, Bible Society rawngbawlna pawi­mawhzia min hriat thar tir leh bawk," tiin Bible hlut zia a sawi. 

He hla phuahtu nen hian inhre sa an ni bik lo a, chuti chunga a hla sa tura a thlang chu lawmawm a tih thu a sawi bawk. A thu pawimawh zia leh ropuizia hria a, kal chhuak thei lote pawhin awm hmun aṭanga rawngbawlna zau zawk nei thei turin he hla ngaithlatu zawng zawngte a sawm bawk a ni. 

Ruthi CVL Muanpuii hian Bible Society rawngbawlnaah theih tawpin ke a lo pen tawh ṭhin a, a hla thar hian chona nasa tak a siam thar leh a ni. A music video hi Zonet leh MDM YouTube channel lamahte en theih a ni.