Lok Sabha MP Sunny Deol

India ram inthlanpui, Lok Sabha election chu zawhfel a ni ta a, MP thar zingah Bollywood star an awm nuk mai. Chung zingah chuan Sunny Deol pawh a langsar berte zinga mi a ni a, Gurdaspur, Punjab aṭangin BJP ticket-in thlan tlin a ni. 

Sunny Deol hian kum nga chhung chu politics a chenchilh dawn a ni a, beisei a phak ang em tih chu hriat chakawm tawh tak a ni. Ani bakah hian Indian actress Hema Malini leh Kirron Kher te chu thlan tlin zingah an tel a, thawm nei lian ber zinga mi an ni. 'Sholay' star Hema Malini hi Mathura bial aṭangin BJP ticket-a thlan tlin a ni a, Kirron Kher pawhin Chandigarh bialah BJP MP ni turin hnehna a chang a ni. 

Hetih lai hian Urmila Mantodkar, Prakash Raj leh Poonam Sinha te chu MP nih tum zinga hlawhchham langsar zual an ni. Kum 45 mi 'Judaai' star Urmila Matondkar hi Mumbai North-ah a chak zo lo a, Prakash Raj pawh Bangalore Central, Karnataka-ah Independent-in a chak zo lo. Bollywood veteran Poonam Sinha pawhin Lucknow-ah Home Minister ni lai Rajnath Singh chu vote nuai li chuangin a hneh lo a ni.