WhatsApp status-ah ads awm dawn
WhatsApp chuan status-ah advertisement a awm tawh ṭhin dawn tih an puang a, hman nghal erawh a ni dawn lo.
WhatsApp vice president Chris Daniels chuan hemi chungchang hi tun hnai khan a puang a, sumdawnna lamah huang an zauh tur thu a sawi. Chris Daniels chuan, "WhatsApp status-ah ads a awm ṭhin tawh dawn a, hei hi kum 2020 aṭangin hman ṭan a ni ang," tiin a sawi.
WhatsApp neitu Facebook chuan hei hi an kalpui dawn a, 'WhatsApp for Business' application behchhana siam a ni. Facebook hian ads atan hian company-te aṭangin hlawkna an tel dawn a ni. Chris chuan hemi atan hian Invest India an thawhpui dawn tih a sawi bawk a, Indian startup hnuaiah hma an la ho dawn tih a sawi. WhatsApp hi message inthawnna application hman nasat ber a ni mek a, India ramah pawh mi maktaduai 250 chuang zetin an hmang mek a ni.