‘Black Adam’ film-ah Pierce Brosnan, Dr. Fate lemah a chang dawn

DC film thar tur, Dwayne Johnson channa 'Black Adam'-ah Pierce Brosnan chu Dr. Fate aka Kent Nelson lemah a chang dawn niin Deadline chuan an tarlang.

Comics chhiar ṭhin leh DC animated film lam en ṭhinte tan chuan Dr Fate hi mi thar a ni hauh lo. Justice Society dintu zinga mi niin Helmet of Fate hmangin thilmak tak tak a tithei a, Deadline-in an tarlan anga Pierce Brosnan hi a chang tak tak a nih chuan lemchan lama sulhnu tam tak tam hnutchhiah tawhtu hian a career-a superhero lem a chan hmasak ber tur a ni dawn.

James Bond leh film lar tak tak tam takah chang tawh mah se superhero thuam erawh a la inbel ngai lo a, mahse Dr. Fate lemah hian a chang hnehsawh viau ang tih erawh a rinawm. Black Adam erawh hi chu anti-hero a ni thung a, comics velah chuan Shazam hmelma ber a ni a, live-action film DC lamin an tihchhuah turah chuan  Dwayne Johnson chu Black Adam lemah hian a chang dawn a ni.  

He film-a chang tur zingah hian Sarah Shahi chu a chiang tawh a, Aldis Hodge, Noah Centineo,  Marwan Kenzari leh Quintessa Swindell-te pawh an chang dawn tih tarlan a ni tawh bawk.