Producers Guild Award ‘Nomadland’ bawk a langsar leh

Producers Guild of America Award vawi 32-na chu Nilaini khan Virtual-a sem niin Chloé Zhao film 'Nomadland' bawk a langsar leh a, category ngaih hlut Darryl F. Zanuck Award for Outstanding Producer of Theatrical Motion Pictures chu 'Nomadland' producer-te'n an dawng a ni.

Outstanding Producer of Animated Theatrical Motion Pictures chu 'Soul' (Pixar) producer Dana Murray kutah hlan a ni a, Netflix series 'The Crown' producer-te chuan Norman Felton Award for Outstanding Producer of Episodic Television award an dawng thung.

'The Queen’s Gambit' producer-te chu David L. Wolper Award for Outstanding Producer of Limited Series Television award hlan an ni a, 'Hamilton' (Disney Plus) producer-te chuan Outstanding Producer of Televised or Streamed Motion Pictures award an dawng bawk.

‘Nomadland’ hi tunhnaia film award hrang hrang semnaah a che ṭha ṭhin hle a, hei vang hian Oscar award dawng tur pawhin a dinhmun a ṭha hle nia ringtu an tam tawh hle. Chutih rual erawh chuan nikum lamah khan '1917' kha PGA leh DGA-ahte a che ṭha hle nachungin Academy Award-ah tak chuan 'Parasite' a che ṭha viau zawk a, chumi avang chuan 'Nomadland' pawh hi Oscar-ah a che ṭha kher ang em tih chu sawi lawk har tak a ni a, mahse beiseiawm ber pawl a ni tih erawh a sawi ngam thung.

Producers Guild Award 2021 winner ṭhenkhat

Darryl F. Zanuck Award for Outstanding Producer of Theatrical Motion Pictures
“Nomadland”
(Searchlight Pictures)
Producers: Mollye Asher, Dan Janvey, Frances McDormand, Peter Spears, Chloé Zhao
**************
Outstanding Producer of Animated Theatrical Motion Pictures
“Soul” (Pixar)
Producer: Dana Murray
**************
Norman Felton Award for Outstanding Producer of Episodic Television
“The Crown” (Netflix)
Season 4, Producers: Peter Morgan, Suzanne Mackie, Stephen Daldry, Andy Harries, Benjamin Caron, Matthew Byam Shaw, Robert Fox, Michael Casey, Andy Stebbing, Martin Harrison, Oona O’Beirn 
**************
David L. Wolper Award for Outstanding Producer of Limited Series Television
“The Queen’s Gambit” (Netflix)
Producers: William Horberg, 
Allan Scott, Scott Frank,
Marcus Loges, Mick Aniceto