Indoo Ki Jawani film-ah Kiara Advani

Kiara Advani chu Abir Sengupta film siam tur 'Indoo Ki Jawani' ah a chang dawn a, contract pawh a ziak fel tawh. 

Bollywood star ṭhangduang tak Kiara Advani hi Good News-ah a inlan zo chiah a, shooting an nei zo tawh. He action/comedy film-ah hian Kabir Singh leh Shahid Kapoor te nen an changho a, December thla khian release a ni ang. 

Kum 26 mi Kiara Advani hi nakkum lama tihchhuah tur 'Laxmmi Bomb' film-ah Akshay Kumar, Shershaah leh Sidharth Malhotra te nen an changho dawn bawk a, hetiang a nih mek lai hian Indoo Ki Jawani-a chang turin contract a ziak leh ta a ni. Indoo Ki Jawani hi Electric Apples Entertainment and Emmay Productions chuan an produce dawn a, a chhuah hun tur erawh tarlan a la ni lo. 

Mumbai nula Kiara Advani hi kum 2016-a tihchhuah 'M.S. Dhoni: The Untold Story' ah khan a lo inlan tawh a, Netflix anthology film Lust Stories leh Telugu political drama 'Bharat Ane Nenu' ahte a lo inlan tawh bawk.