Redmi K20 Pro tlangzarh a ni ta

Chinese smartphone company Xiaomi chuan an model chhuanvawr, Redmi K20 Pro chu nimin khan India ramah an tlangzarh ve leh ta. 

Redmi K20 Pro hi company lam chuan 'Flagship Killer' ti hiala an sawi a ni a, OnePlus 7 nen pawh an khaikhin nasa hle. Redmi K series hi chi hnih -  Redmi K20 leh K20 Pro-te a awm a, Redmi K20 hi Snapdragon 730 chipset a ni a, Redmi K20 Pro hi Snapdragon 855 chipset a ni thung. 6GB RAM leh 64GB storage chu Rs. 26,200 man vel tur a ni dawn a, 6GB RAM  leh 128GB storage a awm bawk. Hei bakah hian 8GB RAM leh 128GB storage a awm cheu bawk a, Rs. 30,200 man a ni dawn thung. 

He smartphone hian Qualcomm Snapdragon 855 processor a hmang a, hei hian mipui a hip hle tura ngaih a ni. Thla­lak lama tui mite tan pop-up selfie camera a chhawm hi chanchin lawmawm tak a ni a, 32MP sensor a la ni cheu bawk. A battery pawh 4000mAh a ni a, 8GB RAM, 256GB storage a ni bawk. Snapdragon 855 phone-ah chuan man tlawm ber tur zinga mi a ni.