May 31-ah Cardi B 'Press'

American rapper Cardi B chuan a single thar 'Press' tihchhuah hun tur a puang chiang ta a, May 31-ah release a ni ang. 

Cardi B hian a single thar tur chungchang hi nikum December thla daih tawh khan a lo sawi lang tawh a, amaherawhchu, a chhuak mai dawn emaw tih hnuah pawh hmuh tur a awm mai lo. Tun hnaiah chanchin a rawn nei thar leh a, tihchhuah hun tur thlengin a rawn puang chiang ta a ni. 

'Money' singer hian Instagram lamah hemi chungchang hi sawiin, "May 31 hian 'Press' chu a chhuak dawn ta, hemi rual hian official art work pawh hmuh tur a awm ang," tiin a tarlang. A thusawi hian mipui beng a verh hle a, tun lai hmeichhe rapper ṭha berte zinga mi hla thar tur hi an nghakhlel tlang hle.