Aishwarya Rai leh Ratnam thawkdun leh dawn

Indian film director lar Mani Ratnam leh bollywood star Aishwarya Rai Bachcha-te hi kum 1997 daih tawh khan 'Iruvar' film-ah an lo thawk dun tawh a, tun hnaiah an thawkdun leh dawn tih thawm a rawn awm leh ta.

Legendary director Mani Ratnam hian Tamil historical novel 'Ponniyin Selvan' chu film-ah siam tumin a buaipui leh mek a, a changtu tur lam pawh an inrinsiak mek. He tih lai hian a lo thawhpui tawh ṭhin Aishwarya Rai chu hming langsar ber a ni a, an thawk dun leh a nih pawhin a mak lo ang. 

Kum 45 mi lai ni ve tawh Aishwarya Rai hian 'Ponniyin Selvan' chungchang hi tun hnaiah a sawi lang a, a inlan ngei dawn tih a sawi a - eng role nge a play dawn erawh a sawi lang lo. Aishwarya Rai bakah hian Tamil-Telugu actress Anushka Shetty chu chang tur zinga sawi rik a ni bawk. Mani Ratnam film thar tur hi nakkum lama tlangzarh tur a ni ang.