Tennesse thlipui tuarte tan Taylor Swift-in $mtd 1 a pe

Taylor Swift chuan thlipui na tak tuarte chhawmdawlna turin $mak­­taduai 1 a pe.

Middle Tennessee Emergency Response Fund hnenah pawisa tam tham tak hi a pe a ni. Tennessee hi Taylor-i hian a home state-ah a ngai a, a naupan laia a chenna ṭhin a nih avangin a ngaipawimawh hle.

A instagram-ah pawh," Nash­ville hi ka khua a ni a, Middle Ten­nessee-a mi tam takin an chenna in an hloh hian min tihrehawm hle a ni.

"Middle Tennessee Emergency Response Fund hnenah chhawm­dawlna pawisa ka pe a ni," tia sawiin chhawmdawlna pe duh dang tana pekna tur link a dah tel bawk. Amah tak hi chuan a pawisa pek zat hi a sawi lang lo a, mahse a thupuangtu Tree Paine chuan USA Today hnenah a pawisa pek zet hi a hrilh thung.

Swift hian chhawmdawlna a pek hma hian a Twitter-ah thlipui tuarte taba a ṭawngṭai thu leh a ngaihtuah thu a lo ziak tawh bawk. Thawhlehni khan Nashville leh Middle Tennessee-ah hian thlipui na tak a tleh a, mi tam takin chenna in an hloh bakah mi 24 lai an thih phah a ni.

Dan + Shay-in $nuai 1 

American country music duo Dan + Shay pawhin Nashville thlipui tuartute tan hian $nuai khat an pek dawn thu Ningani khan an puang ve bawk. The (Arena) Tour bulṭan chiah Dan + Shay-te hian thuchhuah siamin thlipui tuarte chu an tawrhpui hle tih an tarlang a, The Community Foundation of Middle Tennessee hnenah  $100,000 an pe dawn tih an tarlang a ni.