B. Daniala Lengkhawm zai Intihsiak ṭan a ni ta
Central YMA buatsaih B. Daniala Memorial Inter Branch YMA Lengkhawm zai intihsiak chu May 28 zan khan CYMA Hall, Tuikhuahtlangah president Vanlalruata'n a hawng a, nizan khan inelna hi ṭan a ni.
Lengkhawm zai intihsiakah hian branch 39 an tel a, inelna ṭan zanah Khatla South, Bethlehem, Bethlehem Vengthlang, Ramthar Veng leh Bawngkawn te an inlan. Zai dan tur indawt hi inelna hawn zanah pawh a ni a; May, 31, June 3, June 4 leh June 5-ah inelna hi neih chhunzawm a ni ang.
Branch tiṭha 10 thlanchhuah an ni ang a, final round leh lawmman semna hi June 7 zanah neih tur a ni. CYMA president Vanlalruata chuan, "Hnam changkang apiangin mahni hnam kalphung an ngaihlu a, Mizo tan chuan 'lengkhawm zai' hi Mizo hnam rohlu a tling. Mizote, a bik takin ṭhalaite hian lengkhawm zai hi kan ngaih pawimawh a ṭul tak zet," tiin lengkhawm zai chu changkan san chi a nih loh thu a sawi.
Lengkhawm zai intihsiak hi CYMA hnuaia Sound & Music Sub-Committee-in an buaipui a, lawmman atana sum fai semral tur hi Rs 2,45,000 a ni. Sub Committee chairman R. Lalduhawma chuan, "CYMA President nihna chelh rei ber Pu Daniala hming chawia lengkhawm zai intihsiak kan buatsaih hi a inhmeh hlein ka hria a. Min sponsor-tu a nupui Pi Krosthangi chungah kan lawm tak zet a ni," tiin Vanglaini a hrilh.
CYMA buatsaih lengkhawm zai intihsiak hi K. Lalbiakthanga, RL Zomawia leh C. Vanlalvuana ten an endik a ni.
May 31, Zirtawpni - 7:30 PM
1. Republic Vengthlang
2. Ramhlun North
3. Armed Veng South
4. Venghlui
5. Tuithiang
6. Mission Vengthlang
7. Dam Veng
8. Reiek
9. Zemabawk North
10. Ailawng
June 3, ThawhṬanni - 8:30 PM
1. Edenthar
2. College Veng
3. Tanhril
4. Ṭhuampui
5. Sesawng
6. Nausel
7. Republic Veng
June 4. Thawhlehni - 7:30 PM
1. Chanmari
2. Khatla
3. Bungkawn
4. Tuikual North
5. Tuikual South
6. Govt Complex
7. Tuivamit
8. Ramthar North
9. YMA Mission Veng
10. Chawnpui
June 5, Nilaini - 8:30 PM
1. Ramhlun South
2. Hunthar
3. Model
4. Luangmual
5. Tuikhuahtlang
6. Chaltlang
7. Mission Veng YMA