Ariana Grande-i'n tour postpone

'Sweetener World Tour' nei mek Ariana Grande chuan a taksa lamah harsat a tawh avangin show a neih tur ṭum hnih chu a sawn hla. 

American singer hi ruahman lawk ang chuan May 28 & 29 zana concert nei tur a ni a, amahaerawhchu a hriselna dinhmunin a zir loh avangin November thla atan sawn a ni. Grande hi doctor-te chuan chawlhahdam rih turin an ti a, tour a nei mek pawh sawn hla turin thurawn an pe a ni. 

'Thank U, Next' singer chuan, "Vawiin zet chu ka tho nuam lo hle mai, doctor ka pan nghal a, ani chuan show kaltlangpui lo turin thurawn min pe a ni. A pawi ka ti hle mai, inhriat thiamna ka ngen tak zet a ni," tiin a sawi. Thawhlehni zan khan Amalie Arena-ah show nei tur a ni a, nizan khan Amway Center, Orlando-ah concert nei tura ruahman a ni bawk. Mahse hengte hi November 24 leh 25 atan a sawn hla ta dawrh a ni.