Emilia Clarke Sawmna duhawm a hnar

Game of Thrones (GoT) en ṭhinte chuan an hre mai awm e, season tir lamah kha chuan a inphelh ruak ve deuh kung ṭhin a nih kha. Amaherawhchu, Emilia Clarke hian ruak deuh thawh thanga TV-a lan a duh tawh lo a, sawmna duhawm tak pawh a hnar phah hial. 

Brtish actress hi Hollywood film lar 'Fifty Shades of Grey' ah chang tura sawm a ni a, nimahsela, taksa lang tam chi thuam inbel a ngaih deuh fo dawn a vangin a hnar! Hemi chungchang hi Hollywood Reporter-in an kawm ṭumin a sawi chhuak a, naked scene awm ngaihnaah chuan inlan a tum tawh loh thu a sawi. 

Kum 32 mi Emilia Clarke chuan, "British filmmaker Sam Taylor-Johnson hi ka ngainat zawng tak a ni a, a vision pawh a ṭha. Amaherawhchu, GoT-a scene ṭhenkhat avang khan tun thlengin zawhna ka la dawng - a chhan pawh hmeichhia ka nih vang a ni. Tun hnuah chuan khatiang thil kha a thlen tawh lo ka beisei," tiin, a ngaihdan tlang takin a sawi. 

Sam Taylor-Johnson kut chhuak Fifty Shades of Grey-a chang tura sawm a ni chu lawmawm a tih thu a sawi lang bawk. 'GoT' star Emilia Clarke hian thawmhnaw ha mang loa camera hmaa inlan chu hrehawm a tih thu a lo sawi tawh a, a zawng chhang lo hle.