Haus of Gaga hawn a ni ta

Lady Gaga chuan Las Vegas khawpuiah 'Haus of Gaga' a hawng ta rup mai. He dawrah hian thawmhnaw chi hrang hrang duh thlan tur a awm a, Gaga fan-te tan phei chuan a hlu zual ngei ang. 

American singer hian 'Haus of Gaga' a hawn tur thu hi a lo puang tawh a, nimin khan hawn a ni ta a ni.  Award ceremony-a thawmhnaw a lo hak tawh ṭhin leh show hrang hranga a lo inbel tawh ang chite chu duhthlan tur a awm a ni. Kum 2010-a MTV Video Music Award-a fashion designer lar Franc Fernandez-a kut chhuak a lo inbel tawh ang chite pawh pholan a ni a, Oscar leh Grammy Award vela a lo hak lar tawh ang type pawh a awm nual bawk. 

'Shallow' singer hian a larna chhawr ṭang­kaiin a sum­dawnna hi a hlawhtlinpui viau thei a, chutih rual chuan hlawhchham thei din­hmun­ah a ding ve tho bawk. Social media lamah chuan a lar nghal viau a, fan-te bei­sei a pha em tih chu hriatin a awm thuai dawn a ni.