PUBG Mobile vawi Tld. aia tam download tawh

Kum 2018-a tlangzarh Players Unknown Battleground (PUBG) Mobile hi khawvela game lar ber pawl a ni tih chu hai rual a ni lo a, kum 2019-ah phei kha chuan khawvel puma mobile game sum lalut tam ber a ni hial.

Tencent chuan Zirtawpni liam ta khan PUBG Mobile hi vawi tlukdlehdingawn khat aia tam download a ni tawh tih an sawi mauh mai! Chuti chung chuan Mainland China-a download awm zat an la chhiar tel lo mah mah.

An game download a tam tawh zia an puanzar piah lamah hian Tencent chuan Godzilla vs. Kong an thawhpui tih an puang zui bawk a, PUBG Mobile player-te chuan nakin lawkah chuan game event-ah he sakawlh insual film theme-a hmang hian game an la khel thei dawn a nih hmel.