'Sawisel Bo' Kr Robert, Awmtea Polymer & Keimah Senes

Thawkho tur hming aṭang ringawt pawh hian an thawh rah chu a pui dawn tih a chiang.

'Ka Lalnu' aṭanga kan hriat Kr Robert, 'Thlasik Rim' hitmaker Awmtea Polymer leh 'Saw Nu Saw A Hmel Ṭha' tih hla rawn thlawh fuh em emtu Keimah Senes-te chuan thawhho zai an rel a, music video thar 'Sawisel Bo' tih chu an peihfel der mai. Zonet lamah kan hmu thuai dawn.

'Sawisel Bo' hi Ronald Zothantluanga phuah niin, Music chu Lal K.Sailo kut chhuak a ni a, Video chu BS Picture kut chhuak a ni thung.

Kr Robert a tel tawh hi chuan music video a pui turah beisei ila, kan ring sual lo ang. Awmtea Polymer a tel dawn avangin tunlai ṭhalaite rilrem a ni dawn tih a chiang a, Keimah Senes a tel miau avangin Mizo duhzawng tak a ni dawn tih a chiang bawk.

Chumai a la ni lo,  Mizo Dance Camp-te lam music video-ah kan hmu dawn a, mit leh beng a tlai dawn. Model zei leh chhe lo Rba leh Suzane-i-te an inlan dawn bawk a ni. 

Zonet Thazual Award hnuhnung berah pawh nominee ni pha vek an ni a, tunlai Mizo rimawi khawvela tlana ber pawl an ni tih loh rual a ni lo a, chuvang chuan an hla thar tur pawh hi a 'hit' beisei ang.