Hla thar nen Sawmtea Chhangte

Tunlai gospel singer kan neih ṭhat berte zinga mi Sawmtea Chhangte chuan kumina a music video hmasa ber tur chu a peihfel leh ta. A hla thar hi 'Thlarau mitmengin' tih a ni a, Pastor Thaneihfaih phuah niin, Baptist Choir conductor K. Lalremruata (Tetea) chuan mawi tak leh nung takin Mizo hla-ah a let a ni. 

He hla hi nung ṭha tak, Mizo te rilrem tur tak niin, a hla thu leh a thluk pawh a inhmeh hle. Music track hi PB Lianhminga siam niin, recording hi Princeton Record kutchhuak a ni. Sawmtea chuan a music video chungchang hi sawiin, "He hla hi ka hriat tirh aṭangin ka duh em em rawngbawlna lam hla a nih avangin ka duh zual. Kan ban phak mai­ah hian chhun leh zanin rawngbawlna tur tam tak a awm a, missionary in ram pawnah kan chhuak vek thei kher lo thei -kan bul hnaiah mai hian rawngbawlna tur tam tak a awm a ni. He hla hmang hian kan inngaihtuah harh a ngai a, chu chu ka beisei leh duhthusam chu a ni," a ti. 

Sawmtea Chhangte music video hi MDM library-ah dah luh niin, Zonet leh MDM YouTube channel-ah te tichhuah a ni ang.