MDM Rising Day hmang

Music Domain Mizoram (MDM) chuan nimin khan an din champha 'Rising Day' chu an office, Chanmari-ah an lawm a, member tel an ṭha hle. Zaithiam te bakah, hla phuah thiam leh musician te pawh an kim hle a ni. 

He hunah hian MDM Library aṭanga Royalty dawngte hnenah sum sem chhuah a ni a, artist 16 ten an dawng. Hei bakah hian MDM YouTube official channel aṭanga revenue hmuhte chu a dawng turte hnenah sem chhuah a ni bawk.

Tun ṭum hi YouTube aṭanga artist-te hnena sum an semchhuah ṭum riatna niin, Kimkima chuan a dawng hnem berin Rs. 25717 lai a tling a ni. 

MDM hian an hmalakna tur hrang hrangte an rel nghal a, General Election leh assembly nei turin an inbuatsaih mek bawk. General Assembly hi April 12 hian David’s Kitchen, Chanmari-ah neih a ni dawn a, he hunah hian t-shirt release-na neih nghal a ni dawn bawk.