Rapper Nipsey Hussle an kaphlum

Kum 33 mi American rapper Nipsey Hussle chu Pathianni khan Los Angeles-ah kahhlum a ni a, music khawvel a barakhaih hle. 

Nipsey Hussle hi Los Angeles-a a dawr kawtah a awm lai chu mi pathumin an kah rawn a, hospital panpui ni mah se a hliam tuar loin a chatthla zui a ni. A bul hnaia lo awm ve mi pahnihte chuan hliam an tuar bawk. 

Los Angeles police-te chuan Nipsey Hussle hi a dawr, Marathon Clothing kawta a awm lai chu mi tuh tih hriat loh ten an pawngkah chiam tih sawiin, hmun tam takah an kapfuh tih an sawi. He thil thleng hi chhui zui nghal a ni a, he thu buatsaih lai hian pawikhawihtute hi man an la ni lo. 

'Racks In The Middle' singer Nipsey Hussle hian nikum khan a album hmasa ber 'Victory Lap' a tichhuak a, kumin Grammy Award-ah pawh khan Best Aap Album dawng thei tura chhawpchhuah zingah a tel a ni. 

A thih thu hian music khawvel a dengchhuak hneh hle a, mi tam takin an lainat thu an sawichhuak. Chung zingah chuan- Drake, Rihanna leh J Cole te pawh an tel a, a chunga thil thleng chu vanduai thlak an tih thu leh an dem thu an sawi chhuak a ni. 

Nipsey Hussle hi a hming tak chu Ermias Da­vidson Asghedom a ni a, a tleirawl chuah tirh chuan Rollin' 60s street gang member a ni. Gang member a nih ṭhin thu hi nikum khan Los Angeles Times-in an kawm ṭumin a sawichhuak a, a thih hma deuh hian Twitter lamah "Hmelma lian tak neih chu malsawmna a ni," tih thu­ziak a tarlang nghe nghe a ni.