Rolling Stones ten tour postpone
Ruahman lawk ang chuan April 20-a tour kick-off tur an ni a, amaherawh chu an vocalist Mick Jagger-a'n a taksa lamah harsatna a tawh avangin a hun sawn hlat a ni dawn.
English rock band lar The Rolling Stones chuan hemi chungchang hi tun hnai khan tarlangin, Mick Jagger chu doctor ten inenkawl rih phawt tura thurawn an pek thu an sawi. Hei vang hian a hun takah tour hi an ṭan thei dawn loa - fan te hriatthiamna an ngen nghal bawk. Tour kick-off hun tur hi tarlan a la ni leh lo.
Kum 75 mi lai ni ve tawh Mick Jagger hi a lung zai a ni dawn a, engchen nge a chawlh dawn hriat a la ni lo. A kum a tam deuh tawh avangin mi tam tak chuan tour hi an kaltlangpui theih loh mai an hlau a, Mick Jagger ngei pawhin a chunga thil thleng chu pawi a tih thu leh, dawh thei tak lo nghak turin fan te a chah a ni.
Rolling Stones hian April 20 khian Miami-ah tour kick-off hi neih an tum a, ṭum 17 zet concert nei turin an inbuatsaih a ni. US leh Canada-a khawpui hrang hrang hrut an tum a, June 29 thleng show nei turin an inbuatsaih a ni. Rolling Stones hian 2017 September thla aṭang khan 'No Filter' world tour hi an nei ṭan a, Europe ram hrang hrang an fan hnuah North America lam hi an hawi leh ta a ni.